Информационный портал Беларуси "МойBY" - только самые свежие и самые актуальные белорусские новости

У фармаце 4x4 пройдзе конкурс для маладых выканаўцаў «Заспявай»

17.03.2017 культура
У фармаце 4x4 пройдзе конкурс для маладых выканаўцаў «Заспявай»

Фіналістаў чакаюць навучальная сесія, праца ў студыі, выпускныя канцэрты, а пераможцу – грашовы прыз у 1000 BYN і кліп.

Партал Tuzin.fm разам з фондам «Вяртанне» і кампаніяй «Будзьма беларусамі» абвяшчаюць чацвёрты сезон конкурсу «Заспявай» для выканаўцаў ад 18 да 30 год. Сёлета ён пройдзе ў новым фармаце і толькі ў адной намінацыі – «Спяваная паэзія». Удзельнікам прапануецца абраць верш сучаснага паэта (за апошнія 30 год) і праспяваць яго на сваю музыку.

«З усіх пададзеных заяваў журы конкурсу адбярэ чатары фіналісты. Кожнага з іх будзе падтрымліваць свой ментар, з якім выканаўцы разам пройдуць такі шлях: навучальная сесія з лекцыямі, майстар-класамі ды практычнымі заняткамі, дапрацоўка конкурснай песні ў студыі і выпускны канцэрт, – распавядае прадусар «Заспявай» Сяргей Будкін. – Па выніку ўсіх гэтых этапаў будзе названы пераможца. Ён атрымае грашовы прыз для рэалізацыі далейшых творчых задумаў, а рэжысёр Арцём Лобач здыме на яго песню кліп». Арганізатары кажуць, што з дапамогай конкурсу імкнуцца адкрыць для маладых музыкаў свет беларускай сучаснай паэзіі ды паспрыяць таму, каб добрыя вершы сталі песнямі.

Заявы на конкурс прымаюцца да 1 траўня 2017 году ўключна на мэйл [email protected] з пазнакаю «Заява на конкурс-2017». Падрабязней пра ўмовы – на старонцы арганізатараў.

Пераможцамі папярэдніх конкурсаў станавіліся Віталь Варанко, гурты Navi, Pauline, Leibonik і трыё Дзмітрый Нікановіч, Вольга Сацюк, Мікіта Найдзёнаў.

Источник charter97.org

Вверх ↑
Новости Беларуси
© 2019 Мой BY — Информационный портал Беларуси
Новости и события в Беларуси и в мире.
Пресс-центр [email protected]