«Ідзі і не бойся! З табою – «Баста!»

Беларуская актывістка прысвяціла верш героям народных пратэстаў.

Актывістка і рэжысер Вольга Мікалайчык апублікавала ў «Фэйсбуку» адмысловы верш, прысвечаны народным пратэстам у Беларусі.

На ганку - Беларуская сыеста,

Яна ўвабралась, як шляхетная нявеста,

На ёй сукенка нібы белы дым

Чырвоны вэлюм пакрывае тын.

І чорным пасам уся падперазаная,

Нам бітым лёсам звыш наканаваная,

Ў яе ўся скура, як цвіком, скрухой прашытая

Як вышыванка - назаўжды ў памяць увітая.

Узоры на руцэ ў колер попелу ды сьмерці

Тых дзядоў, што ў Курганы

пасьля вайны паспелі легці.

Арнаменты строю - не «калі ласка»

Сэмантыка болю - ворагу пастка.

Пад скураю бьецца сакральнае слова

Яго ты пачуй у паветры, дзетка

Кроў твая зробіцца вольнай нанова

Бяры барабан і ла віста аста,

Ідзі і не бойся!

З табою - БАСТА!