Саўка ды Грышка: Імчалі танкі па праспэкце

Герояi Лявона Вольскага заспявалi пра танк, слуп і парад ў Мiнску.

Танк, які наехаў на слуп падчас рэпэтыцыю параду ў Мiнску, натхніў герояў Лявона Вольскага на песьню, перадае «Радыё Cвабода»:

Грышка:

Імчалі танкі па праспэкце.

Асфальт блішчэў, нібыта шкло.

Саўка:

І ўдруг танкіста маладога

Саўсем някстаці занясло.

Грышка:

Ня змог ён выбрацца з заносу,

Хоць волю ўсю ў кулак сабраў.

Саўка:

ГАІ, канечне, разьбяроцца,

Хто вінават тут, а хто праў.

ГАІ раскажа папулярна,

Хто тут рэальна вінават —

Грышка:

Ці дрэва ці то слуп ліхтарны,

А ці то мокрaнькі асфальт?

Саўка:

І есьлі хто-та ўдруг кагда-та

Напасьць на наш захочэт дом,

Грышка:

То зь імі здарыцца, рабяты,

Тое, што з дрэвам і слупом.