Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

«Крама» зняла працяг сэрыялу пра «Стэфку»

15.12.2017 культура
«Крама» зняла працяг сэрыялу пра «Стэфку»

Першую «Стэфку» Ігар Варашкевіч упершыню выканаў яшчэ ў складзе гурту «Бонда».

Гурт «Крама» прэзэнтуе ў зімовым туры на TuzinFM сваю новую песьню «Стэфка праз 30 год», запісаную ўжывую ў студыі праграмы Belsat Music Live.

Першую «Стэфку» Ігар Варашкевіч упершыню выканаў яшчэ ў складзе гурту «Бонда». Прэм’ера адбылася ў этэры Беларускага тэлебачаньня ў 1986 годзе. Потым песьня перайшла ў рэпэртуар «Крамы» і была запісаная для дэбютнага альбому «Будзь разам з намі» (1993), а ў 2007 годзе зьявіўся працяг гэтай кампазыцыі – «Стэфка праз 20 год». У праграме Belsat Music Live музыкі ўжывую прэзэнтавалі трэцюю частку – «Стэфку праз 30 год», якая бярэ ўдзел у аўдыёчарце на TuzinFM. «Новую, трэцюю, Стэфку мы задумалі акурат тады, калі запісалі другую. Нават частка тэксту зьявілася. Толькі давялося чакаць 10 год, каб прыйшла прыдатная мэлёдыя, а Зьміцер Лукашук напісаў працяг гэтай гісторыі», – распавядае Ігар Варашкевіч.

Пра запіс у студыі гэтай ды іншых новых песень пакуль размова не ідзе. Затое гурт «Крама» працягвае актыўна даваць канцэрты. У сеціве зьявілася відэавэрсія канцэрту з удзелам каманды Ігара Варашкевіча на 10-годзьдзе тэлеканалу «Белсат». А 21 сьнежня музыкі даюць сьвяточны канцэрт у менскім клюбе «Графіці». За навінамі гурту можна сачыць праз афіцыйную суполку.

Крама – Стэфка праз 30 год (музыка Ігара Варашкевіча, словы Зьмітра Лукашука, Ігара Варашкевіча)

Сустрэў я Стэфку праз 30 год.

Стала бабуляй яна

Як час бяжыць –

Яго не стрымаеш!

Усьмешка тая ж і ў вачах

Гарыць спакусы агонь

І мару зноў

Па тых пацалунках

Ты каханая даруй мяне

Усё жыцьцё прайшло нібы ў сьне

Наш стары самотны млын жыве

Толькі не-не-не – не кахай мяне!

Сустрэў я Стэфку праз 30 год.

Далёкіх зорак сьвятло

Ізноў гарыць

Нібы не згасала

І зноўку чую пах тых лугоў,

Дзе мы ляжалі з табой.

Там, дзе ты мне

Любоў даравала

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]