Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

Пінігін: Можа, да 100-годдзя Купалаўскага зробім абноўленых «Тутэйшых»

07.04.2018 культура
Пінігін: Можа, да 100-годдзя Купалаўскага зробім абноўленых «Тутэйшых»

Дзе знайсці яшчэ аднаго маладога Віктара Манаева.

Мастацкі кіраўнік Нацыянальнага акадэмічнага тэатру імя Янкі Купалы Мікалай Пінігін выказаўся пра планы паставіць абноўленых «Тутэйшых», піша nn.by .

«Варта паставіць «Тутэйшых» ізноў. Таму што пакуль не будзе чарговага патопу, не зменіцца цалкам зямля і не змяшаюцца кантыненты, да гэтага моманту паміж лацінскай і візантыйскай цывілізацыямі будзе знаходзіцца Беларусь, і п’еса «Тутэйшыя» будзе актуальная. Можа, да 100-годдзя Купалаўскага і зробім гэту п’есу, але — па-іншаму. Не трэба паўтараць той спектакль, ён быў даўно. Але вось праблема: я не ведаю, дзе знайсці яшчэ аднаго маладога Віктара Манаева…», — расказаў ён у інтэрв'ю «Народнай Волі».

100-годдзе Купалаўскага будзе адзначацца ў 2020 годзе.

* * *

Мікалай Пінігін — рэжысёр легендарнай пастаноўкі «Тутэйшых» (1992), за якую атрымаў Дзяржаўную прэмію Беларусі. З прыходам да ўлады Аляксандра Лукашэнкі спектакль трапіў у няласку. Пастаноўка некалькі разоў паказвалася з шалёным ажыятажам і аншлагамі ў зале, але ўрэшце канчаткова знікла з рэпертуара. Афіцыйная прычына — састарэлыя дэкарацыі.

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]