Информационный портал Беларуси "МойBY" - только самые свежие и самые актуальные белорусские новости

Пад Лідай ствараецца мемарыял невядомых паўстанцаў

16.07.2018 культура
Пад Лідай ствараецца мемарыял невядомых паўстанцаў

На Лідчыне, падыходзіць да завяршэння пабудова народнага мемарыяла прысвечанага паўстанню 1863 года.

Паміж вёскамі Мохавічы і Малое Ольжава, што на Лідчыне, падыходзіць да завяршэння пабудова народнага мемарыяла прысвечанага паўстанню 1863 года, паведамляе «Радыё Рацыя».

Сябры Партыі БНФ з Ліды і Бярозаўкі правялі чарговую талаку на месцы пахавання невядомых паўстанцаў. Яны ўмацавалі ўсталяваны раней каменны манумент і аздобілі яго сімвалічнай зброяй паўстання – косамі і віламі. Мемарыял ствараецца агульнымі высілкамі і за грамадскія сродкі, што сведчыць пра тое, што ён сапраўды – народны.

Гаворыць кіраўнік Лідскай раённай суполкі Партыі БНФ Сяргей Пантус:

– Раней рэгулярна з Белагруды ксёндз служыў тут службу ў памяць пра загінулых і пахаваных на гэтым поле. Прыязджала шмат людзей, бывалі вядомыя людзі – пісьменнікі, якія чыталі вершы прысвечаныя паўстанцам. Апошнія тры гады мы прыязджалі сваёй кампаніяй, ставілі свечкі, маліліся. Спадзяемся, што ў гэтым годзе ўрэшце зноў дадуць дазвол, тым больш у гэтым годзе дарабілі гэты помнік. Зрэшты гэта было б годна з боку кіраўніцтва раёна.

За працу па стварэнні народнага мемарыяла „Крыжы”, грамадская супольнасць Лідчыны, была адзначана ў 2017 годзе прэміяй імя Віктара Сырыцы.

Памятныя мерапрыемствы на месцы пахавання невядомых паўстанцаў запланаваныя на нядзелю 29 ліпеня.

Источник charter97.org

Вверх ↑
Новости Беларуси
© 2018 Мой BY — Информационный портал Беларуси
Новости и события в Беларуси и в мире.
Пресс-центр [email protected]