Информационный портал Беларуси "МойBY" - только самые свежие и самые актуальные белорусские новости

«Як жыць – дык жыць для Беларусі»

09.08.2018 культура
«Як жыць – дык жыць для Беларусі»

Патрыятычныя строфы Ларысы Геніюш.

9 жніўня – дзень нараджэння найвялікшай паэткі Беларусі Ларысы Геніюш (1910-1983), жанчыны, якая прайшла праз сталінскія катаванні і допыты, якая да апошніх дзён свайго жыцця заставалася непераможнай і мужнай дачкой сваёй Бацькаўшчыны, перадае racyja.com.

Не за гарамі той час, калі яе імя будуць насіць вуліцы і плошчы Беларусі, будуць стаяць ёй помнікі, у Зэльве адкрыецца яе музей, а сама паэтка будзе рэабілітавана.

Ёй напісаны тысячы паэтычных радкоў, многія ўжо выдадзены і перавыдадзены, але сотні яшчэ знаходзяцца ў дзяржаўных і асабістых архівах. Прыйдзе час, і ўся творчая і эпісталярная спадчына паэткі будзе выдадзена поўным зборам твораў. У дзень нараджэння Ларысы Геніюш нагадаем яшчэ раз некалькі патрыятычных твораў паэткі. Іх павінен ведаць кожны беларус на памяць.

***

Адзінай мэты не зракуся,

І сэрца мне не задрыжыць:

Як жыць – дык жыць для Беларусі.

А без яе – зусім не жыць!

***

Ці мо сэрца малое мае,

Ці мой дух неузлётны і вузкі?

Для Цябе толькі, Краю мой, б’е,

Для Цябе, мой Народ Беларускі!

***

Мая мова – як шчасце на вуснах,

Хвалявання гарачы прыбой.

Можа быць, на чужой засмяюся,

Ўсё ж заплачу з тугі на сваёй.

***

Хай славіцца наш беларускі род –

Душой з вясны і воляю са сталі,

Каб з гнёздаў нам не пеўнікі на плот,

А горда арляняты выляталі!

***

Не згінай мяне, я не сагнуся,

Не баюся ні страхаў, ні зла.

Нездарма я з зямлі беларускай

Непахіснай сасною ўзрасла.

***

Народнае шчасце мы выкупім ў боі,

Пад вёсны засеем зялёную рунь –

Шумець будуць нівы над вольнай Дзвіною,

Над Бугам, над Нёмнам: «Жыве Беларусь!»

Источник charter97.org

Вверх ↑
Новости Беларуси
© 2018 Мой BY — Информационный портал Беларуси
Новости и события в Беларуси и в мире.
Пресс-центр [email protected]