Новости БеларусиRSS-лента
Информационный портал Беларуси "МойBY" - только самые свежие и самые актуальные белорусские новости

У Дзятлаве адбылася канферэнцыя, прысвечаная 520-годдзю горада

15.09.2018 общество
У Дзятлаве адбылася канферэнцыя, прысвечаная 520-годдзю горада

Сярод выступоўцаў былі вядомыя даследчыкі, гісторыкі і краязнаўцы Беларусі.

У Дзятлаве адбылася навукова-практычная канферэнцыя “Гісторыка-культурная спадчына Дзятлаўшчыны”, прысвечаная 520-годдзю Дзятлава, перадае «Радыё Рацыя».

Арганізатарамі канферэнцыі выступілі Нацыянальная Акадэмія Навук Беларусі, аддзяленне гуманітарных навук і мастацтваў Інстытута гісторыі і Дзятлаўскі раённы выканаўчы камітэт.

Канферэнцыя працавала па секцыях – “Дзятлаўшчына ў сярэднія вякі і новы час”і “Дзятлаўшчына і найноўшы час”. Сярод выступоўцаў былі вядомыя даследчыкі, гісторыкі і краязнаўцы Беларусі.

Вадзім Лакіза распавёў пра археалагічнае вывучэнне Дзятлаўшчыны у XIX – XXI стагоддзях, Генадзь Семянчук – пра новыя крыніцы па гісторыі Дзятлаўшчыны XVI – XVIII стагоддзяў з архівасховішчаў Кракава і Варшавы, Леанід Лаўрэш – пра гісторыю вёскі і маёнтка Нагародавічы, Валянцін Голубеў – пра інвентары як крыніцы па гісторыі Дзятлава на прыкладзе інвентара 1731 года, Уладзімір Пашкевіч – пра маёнтак Дзятлава паводле інвентара 1699 года, Ягор Сурскі – пра арганізацыю гандлю у Дзятлаве ў XVI – XVIII cтагоддзях, Таццяна Даўгач – пра канфесійнае становішча Дзятлаўшчыны ў канцы XIX – пачатку XX стагоддзяў” і многія іншыя.

Удзельнікі канферэнцыі прынялі ўдзел у агляднай экскурсіі па Дзятлаўшчыне і наведалі мясцовы музей.

Источник charter97.org



Вверх ↑
Новости Беларуси
© 2009 - 2022 Мой BY — Информационный портал Беларуси
Новости и события в Беларуси и в мире.
Пресс-центр [email protected]