Информационный портал Беларуси "МойBY" - только самые свежие и самые актуальные белорусские новости

Спроба ўвесці сухі закон… Часткова

26.09.2018 политика
Спроба ўвесці сухі закон… Часткова

У нашых шыротах распаўсюджаны попыт на «сыход у іншую рэальнасць».

З 1 кастрычніка гэтага года па 1 кастрычнiка 2019-га ў Быхаўскім раёне Магілёўскай вобласці плануюць абмежаваць продаж піва і слабаалкагольных напояў (аб’ёмная доля этылавага спірту не большая за 7%). Продаж будзе забаронены з 23.00 да 7.00 гадзін. То бок ноччу. Па той простай прычыне, што ноччу падвышаецца крымінальны градус пачуццяў і зніжаецца пачуццё адказнасці за здароўе сваё ды іншых людзей. У выніку маем у лепшым выпадку траўмы, крадзяжы, падпалы…

Безумоўна, бары і рэстарацыі (калі яны існуюць у Быхаўскім раёне!) зачыняць уночы не будуць… Не так шмат грошай у мясцовых людзей, каб пампаваць арганізм спіртаўтрымліваючымі напоямі ў цывілізаваных інтэр’ерах! Таму на разліў – заўжды калі ласка! Падчас эксперыменту спецыялісты будуць збіраць дадзеныя пра крымінагенную абстаноўку ў раёне, пра надзвычайныя здарэнні і пажары, што адбыліся па віне асобаў у стане алкагольнага ап’янення.

Потым прааналізуюць гэтую інфармацыю і дадуць ёй ацэнку – піша газета “Звязда” са спасылкай на намесніцу кіраўніка галоўнага ўпраўлення гандлю і паслуг Магілёўскага аблвыканкама Вераніку Цітову.

Заўвагі і прапановы па праекце рашэння галоўнае ўпраўленне гандлю і паслуг аблвыканкама прымала да 15.00 21 верасня (пятніца!), а ў панядзелак 24 верасня дакумент плануюць разгледзець на пасяджэнні таго ж аблвыканкама… Ці апраўдаюцца «добрыя намеры» чыноўнікаў, пакажа час, але зазвычай такія выпрабаванні паказваюць адно: попыт нараджае прапанову. У нашых шыротах распаўсюджаны попыт на сыход у іншую рэальнасць. Не першы год. І алкаголь – адзін з такіх сродкаў “сыходу”. Танны антыдэпрэсант.

Дар'я Ліс, «Радыё Рацыя»

Источник charter97.org

Вверх ↑
Новости Беларуси
© 2019 Мой BY — Информационный портал Беларуси
Новости и события в Беларуси и в мире.
Пресс-центр [email protected]