Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

У Гародні адбылася Калядная Ёлка для беларускіх дзетак

27.12.2018 общество
У Гародні адбылася Калядная Ёлка для беларускіх дзетак

Беларуская Ёлка – цудоўнае месца для інтэграцыі беларусаў.

У памяшканні гарадзенскага Цэнтра гарадскога жыцця дзясяткі бацькоў са сваімі дочкамі і сынамі паўдзельнічалі ў забаўнай гісторыі з адмоўнымі і станоўчымі персанажамі беларускіх казак, пахадзілі ў карагодзе разам са Святым Міколам, а ўрэшце – атрымалі калядныя падарункі.

Кажуць “Радыё Рацыя” ўдзельнікі імпрэзы:

– Мы прыйшлі, каб пазнаёміцца з беларускамоўнымі бацькамі, пазнаёміць дзетак. Далучыць да нашай культуры, каб паступова прызвычайваліся, таму што ў нашым грамадстве бракуе такіх імпрэз, такіх сустрэч, увогуле такіх людзей, з якімі можна сустрэцца і на роднай мове паразмаўляць пра існуючыя праблемы.

– Гэта – самае сапраўднае свята, і самае важнае, што мы гэта робім для дзетак. Гэта галоўнае.

Беларуская Ёлка – цудоўнае месца для інтэграцыі беларусаў. Гэта фактычна адзіная магчымасць нефармальным чынам сустрэцца беларускамоўным і разам правесці час. Асабліва гэта важна для дзяцей, – заўважаюць удзельнікі. Многія дзеці прыйшлі ў карнавальных касцюмах і падрыхтавалі для Святога Міколы вершы пра Раство.

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]