Ня вер яму

Шэсьць парадаў, як ня даць Лукашэнку задурыць вам галаву.

Правіла нумар 1:

Ня вер яму. 90% таго, што ён скажа, альбо няпраўда, альбо абяцаньне, якое ён не выканае.

Правіла нумар 2:

Пасьля праслухоўваньня выступу, паспрабуйце запісаць канкрэтныя думкі з таго, што вы пачулі. Калі нічога не прыйшло ў галаву — значыць, ён нічога сэнсоўнага не сказаў.

Правіла нумар 3:

Правярайце лічбы. Насамрэч, лічбаў ня так шмат у яго выступах, і яны вельмі базавыя, якія лёгка праверыць онлайн, праз сайты, вартыя даверу, аналітычныя дасьледаваньні, публікацыі міжнародных арганізацыяў.

Правіла нумар 4:

Калі вы журналіст і вам удалося трапіць на сустрэчу — не прыніжайцеся. Ветлівасьць — гэта не пра Лукашэнку. Добрыя адносіны не дапамогуць атрымаць больш інфармацыі. (Іншая справа — калі вы прадпрымальнік, асуджаны за падаткі, і вам трэба на волю). Падрыхтуйце лічбы і факты, каб ён ня змог ухіліцца ад адказу

Правіла нумар 5:

Шукайце сярод радкоў схаваныя і часам супярэчлівыя пасланьні. Лукашэнка у адным сказе можа зашыфраваць пяць розных мэсыджаў розным мэтавым групам: расейцам, амэрыканцам, украінцам. Кожны чуе сваё.

Правіла 6:

Ізноў. Ня верце. Словы і справы ў яго — дзьве паралельныя прамыя, ніколі не перасякаюцца

Францішак Вячорка, Фэйсбук