Информационный портал Беларуси "МойBY" - только самые свежие и самые актуальные белорусские новости

«Басовішча» пачало прыём заявак на візы: будуць «Крама», Naviband і Вольскі

13.05.2019 политика
«Басовішча» пачало прыём заявак на візы: будуць «Крама», Naviband і Вольскі

Сёлета будзе трыццаты фэстываль «музыкі маладой Беларусі» пад Беластокам.

Арганізатары музычнага фэстывалю «Басовішча», што пройдзе 19–20 ліпеня ў польскім Гарадку (Gródek), паведамілі пра пачатак прыёму заявак на візы. Усім ахвочым прапануюць запоўніць анкету — маладзейшым за 25 гадоў абяцаюць бясплатны «шэнген», а для старэйшых магчымыя зьніжкі на візы (умовы пазьней агучыць кансулят).

На фэсьце ўжо анансаваныя некалькі хэдлайнэраў: беларускія гурты «Крама», Dzieciuki, Naviband, Re1ikt, Volski і Znich, беластоцкі польскамоўны гурт Kreha, паведамляе «Радыё Свабода».

Хто выступіць у конкурснай частцы, стане вядома 24 траўня: у менскім Berlin Club пройдзе «Адборышча», на якім з васьмі «паўфіналістаў» вызначаць чатыры гурты. Летась пераможцам «Басовішча» стаў гурт SnopSnoŭ, пазалетась — Teleport.

Штогадовы фэст беларускай альтэрнатыўнай і рок-музыкі «Басовішча» рэгулярна праводзіцца Беларускім аб’яднаньнем студэнтаў на некамэрцыйнай аснове недалёка ад Гарадку на Падляшшы, пачынаючы з 1990 году. У розны час пераможцамі «Басовішча» называліся Akute, :B:N:, IQ48, Mauzer, Naviband, Zet, Znich і іншыя.

Источник charter97.org

Вверх ↑
Новости Беларуси
© 2019 Мой BY — Информационный портал Беларуси
Новости и события в Беларуси и в мире.
Пресс-центр [email protected]