Информационный портал Беларуси "МойBY" - только самые свежие и самые актуальные белорусские новости

Ніна Багінская: Курапаты мыляць вока беларускім уладам

15.05.2019 политика
Ніна Багінская: Курапаты мыляць вока беларускім уладам

Iдзе пакрокавы наступ на мемарыял.

Стала вядома, што на ўскрайку Менска да 2021 года павінен з’явіцца Нацыянальны выставачны цэнтр, плошча якога складзе каля 30 тысяч квадратных метраў. Першы віцэ-прэм’ер Аляксандр Турчын заявіў, што пабудова з’явіцца побач з гандлёва-забаўляльным цэнтрам «Экспабел» на поўначы Менска. Як паведамляе nn.by, азначаны на карце ўчастак — адзінае свабоднае месца для будоўлі, і яно непасрэдна суседнічае з лесам у Курапатах.

Грамадская актывістка Ніна Багінская абурана паведамленнем, што ля Курапатаў могуць пабудаваць яшчэ і Нацыянальны выставачны цэнтр, паведамляе "Радыё Рацыя".

- Я хаджу ў Курапаты на варту ля рэстарана раз на тыдзень, і ўчора мы таксама даведаліся пра непрыемную навіну, што ля “дарогі смерці” ў мемарыяле могуць пабудаваць выставачны комплекс. Калі так, то гэта будзе самым сапраўдным здзекам над памяццю. Мы бачым, што ідзе пакрокавы наступ на Курапаты, гэтае месца мыліць вока і беларускім уладам, і Маскве, якая апошнім часам толькі ўсхваляе Сталіна, а пра рэпрэсіі маўчыць і выбівае з памяці людской. Што казаць, калі ў суверэннай краіне, якая мае сваю гісторыю і мову, кіраўнік дзяржавы загадвае замяніць беларускамоўныя надпісы на дарогах на расейскія. Калі прадстаўнікі незалежнай дзяржавы павінны трымаць справаздачу перад Масквой, чаму знеслі помнік Чапаеву. У галаве нармальнага чалавека такое проста не ўкладваецца!

- Але ж быццам добраўпарадкавалі мемарыял…

- Гэта ўсё зроблена штучна, па загаду, без душы. Колькі гадоў да мемарыяла нікому не было справы, грамадскасць сама скідвалася на крыжы, паставілі іх, людзі прыходзілі і маліліся. Дык не – трэба было гэтыя крыжы выкарчаваць, а паставіць нейкі плот са штучнымі кветкамі. Гэтыя кветкі такія ж штучныя, як і іх памяць. Мне падабаецца, як выказаўся гісторык Ігар Кузняцоў. Ён сказаў, што гэтая ўлада Курапаты ў спакоі не пакіне.

Источник charter97.org

Вверх ↑
Новости Беларуси
© 2019 Мой BY — Информационный портал Беларуси
Новости и события в Беларуси и в мире.
Пресс-центр [email protected]