Информационный портал Беларуси "МойBY" - только самые свежие и самые актуальные белорусские новости

Маці дзвюх дачок: Вучыцца ў беларускім класе прэстыжна

12.07.2019 общество
Маці дзвюх дачок: Вучыцца ў беларускім класе прэстыжна

Ідэю беларускамоўных класаў трэба падтрымліваць.

У тым, што вучыцца ў беларускім класе прэстыжна, упэўнена маці дзвюх беларускамоўных дачок з Баранавіч Таццяна Малашчанка. Класы невялікія, шмат увагі на ўроках настаўнікаў, адчуваецца сямейная абстаноўка. Дзеці стараюцца навучацца добра. І тое, што даюцца беларускамоўныя класы вялікімі высілкамі, адыходзіць на другі план, распавядае «Радыё Рацыя» Таццяна Малашчанка:

– Калі першы клас адкрыўся ў гэтым садку, дзе не чулі беларускага слова ніколі, думалі, што там за дзеці. А калі пачаліся адкрытыя ўрокі, і загадчыца, і метадысты паглядзелі, якія гэта дзеці. Усе былі проста ў захапленні ад гэтых дванаццаці дзетак. Абставіны, самі варункі ў гэтым класе больш хатнія, чулыя і сяброўскія.

Паводле Таццяны Малашчанкі, моцныя дзеці як у класе малодшай дачкі Багуславы, так і ў старэйшай Ядвігі. Ідэю беларускамоўных класаў трэба падтрымліваць, але для гэтага патрэбна жаданне чыноўнікаў. У гэтым годзе з’явіўся новы змагар за адкрыццё першага беларускамоўнага класа Генадзь Яскевіч. Пакуль створана група з 6 чалавек. Ёсць спадзяванне, што клас будзе створаны.

Фота: Радыё Рацыя

Источник charter97.org

Вверх ↑
Новости Беларуси
© 2019 Мой BY — Информационный портал Беларуси
Новости и события в Беларуси и в мире.
Пресс-центр [email protected]