Информационный портал Беларуси "МойBY" - только самые свежие и самые актуальные белорусские новости

На Лідчыне адкрылася экспазіцыя, прысвечаная паўстанню 1863 года

05.08.2019 культура
На Лідчыне адкрылася экспазіцыя, прысвечаная паўстанню 1863 года

Экспазіцыя павінна стаць пачаткам Народнага музею паўстання 1863 года.

У вёсцы Дворышча Лідскага раёна распачала працу мастацкая экспазіцыя “Паўстанне 1863 года на Лідчыне”. Размяшчаецца яна ў старажытным вадзяням млыне, аднаўленнем якога займаецца турыстычная фірма “Адрас лета”. Яна ўяўляе сабою збор матэрыялаў, дакументаў і фотаздымкаў, прысвечаных паўстанню і яго ўвекавечанню, паведамляе “Радыё Рацыя”.

Па словах стваральніка экспазіцыі, лідскага краязнаўцы – Станіслава Судніка, гэтая экспазіцыя павінна стаць пачаткам Народнага музею паўстання 1863 года:

– Гэтая выстава – трэйлер будучага музею. Сёння ёсць рэальнасць у беларускага грамадства сваімі сіламі стварыць Народны музей паўстання, аказаць дапамогу творамі мастацтва, экспанатамі, грашыма (калі яны ёсць). Гэта павінна быць агульнанацыянальная экспазіцыя. Я звяртаюся да ўсіх, каму неабыякавае нашае мінулае, наша сучаснасць і нашая будучыня, – трэба гэтую ідэю падтрымаць. Гэты музей рэальна можа быць.

Першапачаткова планавалася, што гэтая экспазіцыя будзе размяшчацца ў адной са школаў Лідскага раёна, але ў апошні момант гэта зрабіць забаранілі мясцовыя ідэолагі. Цяпер жа яна будзе мець сталае размяшчэнне ў прыватным турыстычным комплексе “Вольны мельнік”, размешчаным на беразе ракі Жыжма у в. Дворышча.

Источник charter97.org

Вверх ↑
Новости Беларуси
© 2020 Мой BY — Информационный портал Беларуси
Новости и события в Беларуси и в мире.
Пресс-центр [email protected]