Информационный портал Беларуси "МойBY" - только самые свежие и самые актуальные белорусские новости

Iгар Марачкін правёў выставу пра прасвет у беларускім жыцці

12.10.2019 культура
Iгар Марачкін правёў выставу пра прасвет у беларускім жыцці

Гэта — першая персанальная выстава мастака ў Глыбокім.

«Прасвет» – выстава жывапісу мастака Ігара Марачкіна адкрылася ў Глыбоцкім цэнтры традыцыйнай культуры і народнай творчасці. Гэта яго першая персанальная выстава ў горадзе, але год таму ён выстаўляўся там разам з бацькам Аляксеем Марачкіным, перадае «Радыё Рацыя».

Тады выстава была прымеркаваная да юбілею з дня нараджэння Язэпа Драздовіча. Наведвальнікі былі ўражаныя назвай выставы і задавалі пытанні мастаку пра яе падтэкст.

Як сказаў Ігар Марачкін, назву выставе прыдумала яго жонка Ірына. Да таго ж яна адпавядае і назве карціны, на якой ён адлюстраваў вясковую лазню з акенцам-прасветам.

– Працы ўвогуле цяжка апісваць словамі. Трэба бачыць. Таму я ў першую чаргу хацеў бы запрасіць людзей, каб яны прыйшлі, наведалі выставу. І ўбачылі на самой справе, што такое прасвет для нас, для беларусаў, у нашым жыцці. Таму я і назваў «Прасвет» – у сэнсе і «прасвет» і «пра свет».

Падчас выставы Ігар Марачкін правёў невялікі экскурс па экспазіцыі і распавёў прысутным пра гісторыю стварэння кожнай карціны. Наведвальнікі засталіся пад добрым уражаннем:

– Сама выстава, тое, як расказаў нам Ігар пра карціны, пра выставу. І здаецца мне, той, хто яго больш ведае, ці хто толькі першы раз пабачыў, думаю, заўважае, які ён сам па сабе не толькі выдатны мастак, але які ён чалавек. Ён далікатны, чулы, вельмі сціплы, уважлівы да людзей. Вось гэта адчуваецца ў яго працах.

– Выдатная выстава! Вельмі шмат карцін цікавых, нечаканых, то бок не толькі ў стылі рэалізму, але і , магчыма нават, у стылі нейкага філасофскага рэалізму.

Выстава была зладжаная пры падтрымцы Беларускага саюза мастакоў і творчай суполкі «Пагоня». У Глыбоцкім цэнтры традыцыйнай культуры і народнай творчасці яе можна будзе наведаць з 8 00 да 17.00 штодзённа, акрамя суботы і панядзелка.

Фота: Радыё Рацыя
Фота: Радыё Рацыя
Фота: Радыё Рацыя
Фота: Радыё Рацыя
Фота: Радыё Рацыя
Фота: Радыё Рацыя
Фота: Радыё Рацыя
Фота: Радыё Рацыя
Фота: Радыё Рацыя
Фота: Радыё Рацыя

Источник charter97.org

Вверх ↑
Новости Беларуси
© 2020 Мой BY — Информационный портал Беларуси
Новости и события в Беларуси и в мире.
Пресс-центр [email protected]