Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

«Мы рэпетуем, як селядцы ў бочцы»

21.04.2020 общество
«Мы рэпетуем, як селядцы ў бочцы»

У харавой капэле імя Шырмы на каранавірус захварэла траціна калектыву.

У Дзяржаўнай акадэмічнай харавой капэле імя Р. Шырмы захварэла амаль траціна калектыву. 23 артыста з 75 маюць каранавірус, паведамляе nn.by.

Замежных гастроляў у капэлы апошнім часам не было. На каранавірус артыстаў пачалі правяраць тыдзень таму — пасля таго, як адзін з калег ва ўзросце за 60 год трапіў у бальніцу і яго тэст паказаў станоўчы вынік.

«Усе хадзілі на працу, памяшканне адно, многія дабіраюцца на грамадскім транспарце, — дзеліцца адна з супрацоўніц. — Вынікаў усіх артыстаў яшчэ няма, у многіх знік нюх. У асноўным усё працякае ў лёгкай форме».

Амаль усе, хто захварэў, знаходзяцца ў самаізаляцыі і лечацца дома. Аднаго артыста з пнеўманіяй у панядзелак шпіталізавалі ў інфекцыйную бальніцу.

«Уся капэла па дамах на двухтыднёвым каранціне, як і філармонія. Штодзень тэлефануюць з паліклінікі, цікавяцца самаадчуваннем. Таксама міліцыя кантралюе прысутнасць дома праз дамафон», — расказаў муж іншай артысткі.

Кіраўніца харавой капэлы Вольга Янум пацвердзіла, што яе артысты хварэюць і цяпер на каранціне.

«Цяжкіх выпадкаў, на шчасце, няма», — паведаміла яна.

Сярэдні ўзрост артыстаў у хоры — 45 год.

У капэле наракаюць: столькі заражэнняў у іх праз адсутнасць нармальнага рэпетыторыя.

«Мы рэпетуем, як селядцы ў бочцы, пра якую сацыяльную дыстанцыю можна казаць.

У прынцыпе працэс спеву — гэта ўдых і выдых, дзіўна было б, калі б не захварэлі».

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]