42-гадовая віцеблянка памерла ад пнеўманіі, яе маці змагаецца за жыццё

Яе муж заклiкае да карантыну.

Некалькі дзён таму ў Віцебску ад пнеўманіі памерла 42-гадовая Наталля Шпакоўская, жыхарка аграгарадка Тулава пад Віцебскам. Пра яе смерць nn.by расказаў муж Аляксей.

«Быў вірус, апошнія дні ляжала на ШВЛ, але ў эпікрызе COVID-19 няма. Як заразілася, я не ведаю — амаль увесь час была дома. Гэта не псіхоз! Падобна, адзіны шанец не заразіцца — поўны каранцін. Я пакуль дома, вынікаў тэсту яшчэ няма», — сказаў ён.

Цяпер Аляксей адзін выхоўвае сына.

Са словаў суседзяў вядома, што маці Наталлі таксама ў бальніцы.