«Я маю мару»: выкладчыкі Ўнівэрсытэту культуры выказаліся пра палітычны рэжым у Беларусі

Вiдэа.

Супрацоўнікі Беларускага дзяржаўнага ўнівэрсытэту культуры і мастацтва запісалі калектыўны відэазварот, паведамляе svaboda.org.

Вядомыя пэдагогі і выкладчыкі-пачаткоўцы абараняюць права на выказваньне грамадзянскай пазыцыі для сябе ды студэнтаў і крытыкуюць спробы ўладаў загнаць людзей у бяспраўе.

«Я маю мару: каб усе тыя каштоўнасьці, якія нам прышчапляліся з маленства, былі не пустым гукам: ня крыўдзіць слабейшага, паважаць старэйшага, быць сумленным. На ўсё мець сваю думку і ўласны пункт гледжаньня. А яшчэ — проста любіць чалавека. За тое, што ён чалавек», — кажа адна з удзельніц звароту, старэйшая выкладчыца катэдры народнага дэкаратыўна-прыкладнога мастацтва Сьвятлана Матвейчык.