Зміцер Вайцюшкевіч святкуе 50-гадовы юбілей

У вядомага беларускага музыкі сёння дзень нараджэння.

Вядомаму беларускаму музыку і выканаўцу Зміцеру Вайцюшкевічу 20 ліпеня споўнілася 50 гадоў.

Зміцер Вайцюшкевіч нарадзіўся ў гарадскім пасёлку Бярозаўка Лідскага раёна. У 1978-1986 гадах вучыўся ў школе з паглыбленым вывучэннем англійскай мовы. У 1986-1990 гадах у музычным вучылішчы па класе кларнету ў Лідзе.

Працягнуў навучанне ў Інстытуце культуры (кларнет, 1990-1995) і Мінскім музычным вучылішчы імя Глінкі (вакал, 1993-1995).

Удзельнічаў у гуртах KRIWI і Палац. Зараз лідар і кіраўнік гурту WZ-Orkiestra.

«Хартыя-97» віншуе Зміцера з юбілеем.