Памёр журналіст і пісьменнік Канстанцін Севярынец

Бацька Паўла Севярынца і Ганны Севярынец хварэў на каранавірус.

У рэанімацыі памёр журналіст і пісьменнік Канстанцін Севярынец, бацька Паўла Севярынца і Ганны Севярынец.

Канстанцін Паўлавіч хварэў на каранавірус. Яму было 69 гадоў.

Сумную вестку паведаміла ў «Фэйсбуку» Ганна Севярынец.

Канстанцін Севярынец нарадзіўся 4 верасня 1952 года ва Унорыцы на Гомельшчыне, ён быў пісьменнікам, журналістам, перакладчыкам, аўтарам дзіцячых кніжак.

Некалькі дзён таму ён з жонкай Таццянай захварэлі на каранавірус, і Канстанцін Севярынец праз слабое сэрца трапіў у рэанімацыю.