Видео-новости

Палітолаг падкрэслівае, што цяпер беларуская апазіцыя мусіць змагацца за свядомасць беларусаў. „Магчыма, на сёння няма апрыёры пераможнай цудадзейнай стртэгіі, - гаворыць Аляксмандр Класкоўскі. - Цудаў не бывае. Мусіць быць зяднанасць, выразнасць думкі, кірунак. А далей хай працуе прынцып „рабі што належыць, і няхай бдзе, што будзе".

Праграма Белсату "2на2", 19 траўня, а 21:15 У гарачай дыскусіі Уладзімір Барадач, былы камандзір брыгады спецназу ГРУ, старшыня аргкамітэту ценевага ўраду, і Ануфрый Рамановіч, былы афіцэр КДБ

Залаты натоўп на начных вуліцах сталіцы. У бліскучых строях, з усмешкамі ды пад песні "NRM" паўтары сотні чалавек сустракалі ўзыход сонца. Арыгінальную арт-акцыю "Прамень сонца" зладзіў вядомы польскі мастак Павэл Альтгамэр. Перформанс адбыўся насуперак забароне гарвыканкаму.

Чарговае эпатажнае пераўвасабленне вядомага коміка Сашы Бэрана Коўэна. Новая сусветная кінапрэмера -- камедыя "Дыктатар" -- збірае аншлагі ва ўсім свеце. Зрэшты, у Беларусі стужку калі і чакае аншлаг, дык толькі віртуальны: у айчынным кінапракаце "Дыктатара" нам не пакажуць.

Сталіца Беларусі стане хакейнаю сталіцаю свету. Кангрэс Міжнароднай федэрацыі хакею на пасяджэнні ў Хельсінкі зацвердзіў Менск месцам правядзення чэмпіянату свету ў 2014г. І хоць старшыня федэрацыі заклікаў пакінуць спорт убаку ад палітыкі, аднак нават на Кангрэсе федэрацыі гарачых палітычных дыскусіяў пазбегнуць не ўдалося.

Тым часам бел-чырвона-белы сцяг лунаў у сталіцы. Актывісты моладзевага крыла кампаніі "Гавары праўду!" -- "Zмена" зладзілі ў Менску чарговую дзёрзкую акцыю. Трое юнакоў на роварах праехалі па галоўнай вуліцы Менску пад нацыянальным сцягам.

Віцебская міліцыя затрымала Алену Каваленку за надпіс "Свабоду Сяргею Каваленку!" ля будынку суда, дзе адбыўся разгляд касацыйнай скаргі палітвязня. Ягоную жонку і яшчэ двух чалавек, што прыйшлі падтрымаць асуджанага, але на асфальце нічога не пісалі, будуць судзіць 30 траўня за "дробнае хуліганства".

Што абяднае беларускую апазіцыю? Гэтае даўно ўжо рытарычнае пытанне цягам тыдня зноў стала надзвычай актуальнае. Пакуль так званая "шасцёрка" апазіцыйных партыяў і грамадскіх арганізацыяў абмяркоўвае варыянты ўдзелу ці не ўдзелу ў парламенцкіх выбарах, да справы абяднання апазіцыі далучыліся афіцэры ў адстаўцы.

За першыя чатыры месяцы года абём вытворчасці вырас на 7,5 % у параўнанні з гэткім жа перыядам летась, рапартуе Нацыянальны статыстычны камітэт. Аднак яго ж звесткі сведчаць, што ўсё больш прадукцыі застаецца на складах. На пачатак траўня нерэалізаваных тавараў было амаль на 20 трлн беларускіх рублёў.

Міжнароднае рэйтынгавае агенцтва "Moodys" захавала негатыўны прагноз для банкаўскай сістэмы Беларусі. Эксперты лічаць, што здольнасць кіраўніцтва краіны фінансаваць выдаткі зніжаецца, а магчымасць атрымаць новыя крэдыты -- абмежаваная. З-за пагаршэння дачыненняў з Захадам нашая краіна становіцца яшчэ больш залежная ад Расеі з гледзішча крэдытаў.

belsat.eu

Сюжэт праграмы "Прасвет" тэлеканалу "Белсат" пра першы мастацкі фільм на беларускай мове пра сучасную Беларусь, які знялі з Польшчы. Болей на тэму на сайце www.belsat.eu. Поўнае выданне "Прасвету" 18.05.12 а 20:35.

belsat.eu

belsat.eu

belsat.eu