Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

Таццяна Севярынец: Пікеты патрэбныя, каб выціскаць страх з сэрцаў

11.07.2016 политика

У Віцебску праходзяць пікеты ў падтрымку актывістаў БХД Таццяны Севярынец і Алены Шабуні.

У Віцебску праходзяць пікеты ў падтрымку прамоўцаў Беларускай хрысціянскай дэмакратыі Таццяны Севярынец і Алены Шабуні, якія вылучаюцца, адпаведна, па Віцебскай-Чкалаўскай выбарчай акрузе №18 і Віцебскай-Чыгуначнай выбарчай акрузе №19, піша сайт bchd.info.

Пікеты праходзяць на акругах, дзе апошнія гады актыўны працавалі актывісткі, таму іх тут добра ведаюць і памятаюць.

Разам з тым, адзначае каардынатар аргкамітэту БХД па Віцебскай вобласці, для некаторых жыхароў мікрараёну Білева стала адкрыццём тое, што з бел-чырвона-белым сцягам можна бесперашкодна стаяць у пікеце.

«У Білева няма аніякіх месцаў адпачынку, і на выходных і ўвечары ўсе сядзяць па дамах, нехта наважваецца ехаць у цэнтр. Мінакі рэдкія, бягуць у краму ці ў адваротным накірунку з поўнымі пакетамі, спяшаючыся праскочыць паміж дажджамі. Цікаўных няшмат. Заклікаем, запрашаем да стэнду, просім падтрымаць. Узгадваюць, пазнаюць, падпісваюцца, цікавяцца, калі ж нарэшце тут з’явяцца паліклініка, дзіцячы сад, школа», — распавяла Таццяна Севярынец.

Паводле яе, у Віцебску нашмат эфектыўней за пікеты кампанія «ад дзвярэй да дзвярэй», тым больш што «страх прылюдна падтрымаць апазіцыйнага прэтэндэнта яшчэ непераадольны». Але ж рабіць пікеты трэба, каб выціскаць страх з сэрцаў віцеблян, упэўненая каардынатар БХД.

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]