Фотафакт: Як беларусы адзначылi Вялікдзень у амерыканскім Саўт-Рыверы

Малітоўнікаў з'ехалася сотняў дзве, калі не больш.

Надвор’е ў Вялікую Суботу было лагоднае, асьвячаць вялікодную ежу для прыхаджнаў царквы св. Еўфрасінні Полацкай, што ў амерыканскім Саўт-Рыверы, можна было на зялёным лужку каля царквы.

Малітоўнікаў з кошыкамі з'ехалася сотняў дзве, калі не больш. Настаяцель прыхода, а. Канстанцін, быў рады пабачыць іх усіх, выканаць абрад асвячэння ды заклікаць часцей наведваць царкву.