Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

Актывісты з Ліды і Бярозаўкі з'ездзілі на малую радзіму Зянона Пазняка

24.04.2017 общество
Актывісты з Ліды і Бярозаўкі з'ездзілі на малую радзіму Зянона Пазняка

Актывiсты зладзілі суботнік у вёсцы Суботнікі на сядзібе палiтыка.

Сябры Партыі БНФ ды Таварыства беларускай мовы з Ліды і Бярозаўкі зладзілі суботнік у вёсцы Суботнікі Івейскага раёна на сядзібе Зянона Пазьняка, паведамляе «Радыё Рацыя».

Актывісты ўпарадкавалі сад ля дома, дзе нарадзіўся і вырас беларускі палітык, выразалі старыя яблыні ды кустоўе па перыметры пляца, падрэзалі ды пафарбавалі дрэвы, падраматавалі страху ў хляве, пабялілі фундамент хаты, пафарбавалі студню і крыж. Замест зрэзаных яблынь пасадзілі новае дрэўца. Сябры спадзяюцца, што ўраджаем белага наліву з маладой яблынькі ля сваёй хаты пачастуецца ўжо і сам Зянон Станіслававіч.

– Зрабілі добрую, плённую працу. Апрацавалі крыху падворак, зямлю. У кожным выпадку зямля не можа быць у занядбанні, яна павінна быць дагледжаная. Тым больш гэта зямля, на якой нарадзіўся, рос і станавіўся як чалавек наш выбітны зямляк Зянон Станіслававіч Пазьняк. Таму тое, што маглі зрабіць, мы зрабілі. І будзем гэта рабіць далей. Прыбралі смецце, падрэзалі дрэўцы. Прынамсі будзе бачна, што гэты домік захоўваецца, што ёсць людзі, якія за ім прыглядаюць.

Актывісты запэўнілі, што і надалей будуць даглядаць хату і надворак Зянона Пазьняка ў Суботніках. А пасля зробленай працы яны наведалі магілу маці Зянона Станіслававіча і ўшанавалі яе памяць на пятыя ўгодкі ад смерці.

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]