Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

«Жыве беларуская вёска!»

24.09.2017 культура
«Жыве беларуская вёска!»

Гурт «Дрозды» прэзэнтаваў кліп на песьню «Вёска».

Віталь Карпанаў з дапамогай відэа вырашыў выказаць сваё стаўленьне да беларускай вёскі і беларускай мовы.

Віталь выступіў ня толькі як аўтар і выканаўца песьні, але і як рэжысэр кліпа. Здымалі кліп разам з апэратарам Максімам Малахавым у роднай вёсцы музыкі Сівіца, што ў Валожынскім раёне.

«Я шчыра люблю беларускую вёску, бо нарадзіўся і вырас у глыбінцы, – распавядае TuzinFM лідэр «Дроздов». – Мы шмат гастралюем і па-сапраўднаму адпачнуць я магу толькі ў бацькоў дома. І няхай у вёсцы ёсьць складанасьці, але ёсьць і пазытыў. Напрыклад, акрамя дамоў сталічных дачнікаў зьяўляецца ўсё больш фэрмераў, якія разьвіваюць сваю справу. Ну і вясковыя дзеткі даюць надзею на лепшае».

Гэта другая песьня ў рэпэртуары «Дроздов» па-беларуску. Дэбют быў у 2013 годзе з трэкам «Каханая дзяўчына».

«Я хачу, каб жыла і беларуская вёска, і беларуская мова. Вакол нас усё больш людзей, якія размаўляюць па-беларуску, у нашым складзе зьявіўся новы ўдзельнік Фёдар Гурвіч, які грае на пэркусіі ды робіць сальта падчас канцэртаў, ён размаўляе выключна на мове. І мы ўсім гуртом рухаемся ў гэтым кірунку», – заяўляе Віталь Карпанаў.

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]