Новости БеларусиRSS-лента
Информационный портал Беларуси "МойBY" - только самые свежие и самые актуальные белорусские новости

Памёр баранавіцкі саксафаніст і беларускі патрыёт Валер Шыла

24.01.2018 культура
Памёр баранавіцкі саксафаніст і беларускі патрыёт Валер Шыла

Выбітнага музыкі не стала 24 студзеня.

Валер Шыла нарадзіўся 10 студзеня 1970 года ў Баранавічах. Вучыўся ў СШ №5. У 1994 годзе скончыў РАМ імя Гнесіных. Пасля працягнуў адукацыю ў Германіі.

Працаваў выкладчыкам у гімназіі-каледжы мастацтваў імя І. В. Ахрэмчыка ў Мінску. Яго вучні пазней паступалі ў ВНУ Масквы і Санкт-Пецярбурга.

Апошнія годы Валер Шыла змагаўся з ракам, перанёс некалькі аперацый. Выкладаў у Баранавіцкім дзяржаўным музычным каледжы, паведамляе intex-press.by.

Валер Шыла падтрымліваў беларускае адраджэнне. Выступаў на разнастайных імпрэзах Таварыства беларускай мовы ім. Ф. Скарыны, прымаў удзел у акцыях. У 2006 годзе быў сярод удзельнікаў намётавага мястэчка на Кастрычніцкай плошчы. Падчас разгону быў затрыманы і пакараны дзесяццю суткамі арышту, якія адседзеў у Жодзінскай турме. У 2014 годзе, ужо хворы, два разы ездзіў у Кіеў на Майдан.

– Ён быў сапраўдным, шчырым беларускім патрыётам, які ўсім сэрцам, усёй душою любіў сваю Бацькаўшчыну, – расказаў баранавіцкі актывіст Уладзімір Гундар. – Гэта быў светлы, сціплы і таленавіты чалавек, выдатны музыка і выкладчык.

Источник charter97.org



Вверх ↑
Новости Беларуси
© 2009 - 2021 Мой BY — Информационный портал Беларуси
Новости и события в Беларуси и в мире.
Пресс-центр [email protected]