Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

Хіт Кіпелава «Я свободен» заспявалі па-беларуску

16.03.2018 культура
Хіт Кіпелава «Я свободен» заспявалі па-беларуску

Акцыя прымеркаваная да вялікага юбілейнага канцэрта гурта «Кипелов».

Фолк-гурт «Pawa» разам з опернымі спевакамі Іллём Сільчуковым і Вольгай Вашкевіч запісаў беларускі кавер на песню «Я свободен» – адну з самых вядомых кампазіцый Валерыя Кіпелава, пiша «Белсат».

Акцыя прымеркаваная да вялікага юбілейнага канцэрта гурта «Кипелов», які адбудзецца 31 сакавіка ў Палацы спорту.

У Менск «Кипелов» прывязе лепшыя песні і новы альбом «Звезды и кресты». Гэта першы прыезд калектыву ў сталіцу Беларусі за 5 год. Лідар гурта беларускую версію «Я свободен» ужо слухаў і ацаніў яе станоўча.

«Прачытанне «Pawa» мне спадабалася. Добра, калі кавер-версіі зроблены якасна. А гэта менавіта той выпадак», – кажа Валерый Кіпелаў.

Тэкст песні на беларускую пераклаў фолк-музыка Віталь Воранаў. Аранжыроўку і інструментальныя партыі запісаў гурт «Pawa», які спалучае ў сваёй творчасці фолк, рок і электроніку. Для лідара калектыву Юрыя Панкевіча кавер стаў вяртаннем у юнацтва:

«Кіпелаў быў для мяне постаццю нумар адзін, калі яшчэ падлеткам у 1990-х я захапіўся рок-музыкай. Я набываў яго запісы ў складзе гурта «Ария» на касетах, я меў усю атрыбутыку таго часу: чорны заплечнік з надпісам «Я свободен», берцы і касуху з кожзаму. Усе песні і тэксты былі завучаныя на памяць і перажытыя. Дарэчы, гэта быў мой першы рок-канцэрт – памятаю, што адбываўся ён у цырку. Таму з задавальненнем пайду паслухаць Валерыя і зараз».

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]