Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

Актывісты апублікавалі Грамадзянскі кодэкс на беларускай мове

02.04.2018 общество
Актывісты апублікавалі Грамадзянскі кодэкс на беларускай мове

Да працы далучылася каля 100 валанцёраў.

Праз год пасля пачатку грамадскай ініцыятывы па перакладзе заканадаўства грамадскія актывісты выклалі ў адкрыты доступ адрэдагаваны тэкст Грамадзянскага кодэксу на беларускай мове, перадае «Радыё Рацыя».

Большасьць нарматыўна-прававых актаў у Беларусі прымаюцца на расійскай мове і не маюць афіцыйнага перакладу на беларускую. Пераклад Грамадзянскага кодэксу ініцыявала Вераніка Мазуркевіч з Грамадскага руху «Дзея» ў сакавіку 2017 года. Да працы далучылася каля 100 валанцёраў.

«Пераклад далёкі ад ідэалу. Тэрміналогія ў ім як мага набліжаная да афіцыйнай — той, што фіксуецца ў акадэмічных слоўніках і даведніках, а таксама ўжывалася практычна ў ранейшых беларускамоўных нарматыўна-прававых актах. У нечым тут адхіленні і спрэчныя моманты, у нечым — асцярожнае наватарства, абумоўленае практычнымі патрэбамі. Гэтага немагчыма пазбегнуць пры цяперашнім стане беларускамоўнага права і прававой лінгвістыкі ў Беларусі. Надзеі на скліканне экспертных групаў на афіцыйным узроўні, якія б прынялі важкае і аўтарытэтнае рашэнне па кадыфікацыі тэрміналогіі, пакуль засталіся толькі надзеямі. Аднак веру, што зроблены пераклад стане асновай для будучай афіцыйнай беларускай версыі Кодэксу», — адзначае Віталь Станішэўскі, рэдактар перакладу.

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]