Новости БеларусиRSS-лента
Информационный портал Беларуси "МойBY" - только самые свежие и самые актуальные белорусские новости

Мітрапаліт Кандрусевіч пераабраны старшынёй Канферэнцыі каталіцкіх біскупаў Беларусі

12.04.2018 общество
Мітрапаліт Кандрусевіч пераабраны старшынёй Канферэнцыі каталіцкіх біскупаў Беларусі

У Гродне прайшло 69-е Пленарнае пасяджэнне Канферэнцыі Каталіцкіх Біскупаў у Беларусi.

11–12 красавіка ў Гродне прайшло 69-е Пленарнае пасяджэнне Канферэнцыі Каталіцкіх Біскупаў у Беларусі, прымеркаванае да 27-й гадавіны арганізацыі структур Каталіцкага Касцёла на Беларусі, якая прыпадае на 13 красавіка.

Падчас пасяджэння біскупы зацвердзілі рэарганізацыю фармацыі да святарства ў Беларусі, паведамляе catholic.by.

Таксама адбыліся выбары старшыні, намесніка старшыні і Генеральнага сакратара ККББ. Старшынёй абраны арцыбіскуп Мінска-Магілёўскі Тадэвуш Кандрусевіч; яго намеснікам — біскуп Гродзенскі Аляксандр Кашкевіч, Генеральным сакратаром — дапаможны біскуп Гродзенскай дыяцэзіі біскуп Юзаф Станеўскі.

Таксама біскупы ўнеслі свае прапановы адносна падрыхтоўкі і правядзення ІІІ сустрэчы моладзі Беларусі ў Гродне з 29 красавіка па 1 мая, якая пройдзе пад дэвізам «Пакліканыя з Марыяй да жыцця ў ласцы Божай».

Будслаўскі фэст сёлета ў 20-ю гадавіну каранацыі цудоўнага абраза Маці Божай Будслаўскай Папскімі каронамі пройдзе 1–2 ліпеня пад дэвізам «Моладзь – надзея Касцёла і грамадства».

Таксама была абмеркавана магчымасць удзелу вернікаў з Беларусі ў Апостальскім візіце папы Францішка ў краіны Балтыі з 22 па 25 верасня. Па меры паступлення падрабязнай інфармацыі адносна візіту ККББ і біскупскія курыі дыяцэзій будуць інфармаць вернікаў аб арганізацыі пілігрымак.

Біскупы абмеркавалі магчымасць удзелу вернікаў з Беларусі ва ўрачыстасці Маці Божай Вастрабрамскай у Вільні 17 лістапада.

Наступнае пасяджэнне ККББ адбудзецца ў Віцебску 15 лістапада.

Источник charter97.org



Вверх ↑
Новости Беларуси
© 2009 - 2021 Мой BY — Информационный портал Беларуси
Новости и события в Беларуси и в мире.
Пресс-центр [email protected]