Новости БеларусиRSS-лента
Информационный портал Беларуси "МойBY" - только самые свежие и самые актуальные белорусские новости

Васіль Герасімчык: Узгадаю забытых паўстанцаў

25.07.2018 культура
Васіль Герасімчык: Узгадаю забытых паўстанцаў

Журналіст і гісторык з Гародні падрыхтаваў да выдання кнігу «Забітыя і забытыя паўстанцы 1863 года».

Кніга прысвечана 60-ці пакараным смерцю ўдзельнікам паўстання 1863-1864 гадоў у Беларусі і мае вялікую колькасць выяваў. Яна будзе цікавая ўсім аматарам беларускай гісторыяй. Пра адметнасці выдання кажа «Радыё Рацыя» Васіль Герасімчык:

– Прысвечана асобам, увага да якіх, на жаль, згубілася ў завірусе часу. Гэта тыя людзі, якія аддалі сваё жыццё ў барацьбе за тую справу, у якую яны верылі. Сярод іх былі як сапраўды героі, так і тыя, што трапілі пад накавадла Расейскай імперыі, не прадбачыўшы тое, у што гэта выльецца. І сярод іх таксама былі людзі, якіх героямі нельга назваць.

У кнізе Васіль Герасімчык узгадвае імёны 60-ці паўстанцаў, аднак пакараных смерцю паўстанцаў было амаль дзьве сотні.

– Насамрэч было пакарана па прысудзе Мураўёва і яго папярэдніка Назімава, які толькі аднаго паўстанца пакараў, па прысудзе Мураўёва – амаль 190. Гэта толькі афіцыйна. У кнізе я намагаюся выводзіць не толькі гэтых асоб вядомых, але і тых, каго забілі, ужо схапіўшы ў палон. Каго закатавалі.

На гэту кнігу абвешчаны збор сродкаў на платформе ulej, і Васіль Герасімчык плануе праз гэтую талаку сабраць больш за 3000 рублёў на выданне 300 асобнікаў кнігі.

Источник charter97.org

Последние новости:
архив новостей


Вверх ↑
Новости Беларуси
© 2009 - 2022 Мой BY — Информационный портал Беларуси
Новости и события в Беларуси и в мире.
Пресс-центр [email protected]