Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

«Моўны інспектар» Ігар Случак адзначыў Дзень народзінаў прэзентацыяй кнігі

10.10.2018 культура
«Моўны інспектар» Ігар Случак адзначыў Дзень народзінаў прэзентацыяй кнігі

У мінскай прасторы «Тартак» прайшла прэзентацыя брашуры Ігара Случака і Аліны Нагорнай «Абаронім мову!».

Гэта дапаможнік па адстойванні сваіх правоў для беларускамоўных беларусаў, пiша «Новы час».

Кніга складаецца з дзвюх частак. Першая ўтрымлівае парады, інструкцыі ды прыклады зваротаў. Там можна падгледзець алгарытм дзеянняў, каб больш чуць і бачыць беларускую мову ў краме ці іншай установе, каб заахвоціць чыноўнікаў (і не толькі іх) камунікаваць па-беларуску, атрымаць парады па напісанні зваротаў і гатовыя прыклады, якія патрабуюць толькі ўдакладнення дэталяў. Ёсць нават узоры заяў па фактах ганьбавання мовы ў сацсетках, да таго ж розныя ў залежнасці ад таго, ці можна ідэнтыфікаваць асобу, што ганьбіць.

Фота Алены Ляшкевіч

Другая частка кнігі змяшчае вытрымкі з заканадаўства, якія датычацца моўных правоў. Аказваецца, у дапамогу абаронцам беларускай – не толькі закон «Аб мовах» ды Канстытуцыя, а і законы «Аб натарыяце», «Аб дзяржаўнай службе», «Аб зваротах грамадзян і юрыдычных асоб», кодэксы аб адукацыі, судаўладкаванні, грамадзянскі, гаспадарчы і крымінальна-працэсуальныя. Кніжка мае зручны кішэнны фармат і да таго ж прывабна выглядае. Дызайн вокладкі выканаў Аляксандр Арсёнаў.

Фота Алены Ляшкевіч

Неўзабаве плануецца запуск сайта з інфармацыяй, якая змешчана ў дапаможніку, і, шырэй, з матэрыяламі, што спатрэбяцца беларускамоўнаму беларусу для камфортнага жыцця. Прыклады самых розных зваротаў і заяў, па якія найчасцей звяртаюцца да Ігара і Аліны, будуць змешчаныя ў выглядзе ворд-дакументаў, дасяжныя для пампавання. Гэта не толькі паперы, якія выдадзены ў кніжцы, а і рэчы кшталту ўзора беларускамоўнай заявы ў ЗАГС.

Фота Алены Ляшкевіч

Прэзентацыя пачалася з віктарыны, працягнулася расповедам пра кнігу і завяршылася выступам прадстаўніка праекта «Этнаbeat». Гэта першая прэзентацыя дапаможніка ў Мінску. Імпрэзай Ігар Случак заадно адзначыў свой Дзень народзінаў. Плануюцца таксама прэзентацыі ў іншых гарадах.

Фота Алены Ляшкевіч
Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]