Новости БеларусиTelegram | VK | RSS-лента
Информационный портал Беларуси "МойBY" - только самые свежие и самые актуальные беларусские новости

Грамадскія арганізацыі дабіваюцца беларускай мовы на магілах паўстанцаў Каліноўскага

12.03.2019 общество
Грамадскія арганізацыі дабіваюцца беларускай мовы на магілах паўстанцаў Каліноўскага

Калі бяздзейнічае ўлада, трэба браць ініцыятыву ў свае рукі.

Беларускія грамадскія арганізацыі плануюць правесці перамовы з літоўскімі ўладамі адносна беларускай мовы на магілах паўстанцаў Каліноўскага, перадае «Радыё Рацыя».

У папярэднім варыянце, прапанаваным уладамі гэтай краіны, ёсць толькі літоўская і польская мовы.

Перапахаванне паўстанцаў, парэшткі якіх былі знойдзены летась на гары Гедыміна ў Вільні, адбудзецца ўвосень, дакладнай даты пакуль няма.

Гаворыць старшыня арганізацыі Беларуская нацыянальная памяць Анатоль Міхнавец.

– Я думаю, што, напэўна, нейкая прыблізная дата ў літоўскага боку ўжо ёсць, але яны не агучваюць яе, каб не было непатрэбных розных інсінуацый, а ўсё грунтоўна падрыхтаваць. Таму мы хочам правесці перамовы. Мы не ведаем, ці афіцыйны беларускі бок удзельнічае ў нейкіх перамовах, ці ёсць у іх зацікаўленасць. Калі няма ў афіцыйных уладаў гэтай зацікаўленасці, то будуць прадстаўнікі грамадскай супольнасці размаўляць з літоўскімі ўладамі, дамаўляцца пра нашу прысутнасць, пра беларускую мову і іншыя рэчы.

Перамовы адбудуцца ў канцы сакавіка, а 23-га сакавіка ў Вільні ўшануюць паўстанцаў, збор удзельнікаў шэсця а 13:30 на вуліцы святога Ігната.

Последние новости:
Популярные:
архив новостей


Вверх ↑
Новости Беларуси
© 2009 - 2024 Мой BY — Информационный портал Беларуси
Новости и события в Беларуси и мире.
Пресс-центр [email protected]