Новости БеларусиRSS-лента
Информационный портал Беларуси "МойBY" - только самые свежие и самые актуальные белорусские новости

Лявон Вольскі зладзіў дваровы канцэрт у цэнтры Менску

16.06.2019 культура
Лявон Вольскі зладзіў дваровы канцэрт у цэнтры Менску

Напярэдадні імпрэзы гледачам прапанавалі абраць некалькі песень, якія яны б хацелі зайграць разам з музыкамі.

У дворыку менскага клуба Lidbeer прайшоў вялікі акустычны канцэрт Лявона Вольскага, перадае «Радыё Рацыя».

Музыка распавёў, што ўвосень плануе зладзіць паўнавартасны тур па гарадах Беларусі, а таксама падзяліўся ўражаннямі ад выступу ў Менску:

– Такі вельмі цікавы досьвед. Таму што мы думалі, што будзе ўсё ж такі больш камерны канцэрт. Мне хацелася больш размаўляць з людзьмі. А атрымаўся амаль што фестываль. Усё ж такі ёсць там нейкія спісы, якія прадпісваюць тое, што не павінна быць. Шкада. Але вось на такіх канцэртах можна класна адрывацца.

Фота: Радыё Рацыя

Напярэдадні імпрэзы гледачам прапанавалі абраць некалькі песень, якія яны б хацелі зайграць разам з музыкамі. У галасаванні перамаглі «Лёгкія-лёгкія» ды «Паветраны шар». Найбольш імпэтныя слухачы прынеслі з сабой музычныя інструменты і далучыліся да музычнага джэму.

Распавядае бубнач Хведар Грувіч:

– Прышпільваюць такія рэчы. Калі музыкі, нават узроўню Лявона Вольскага, даюць такую магчымасць стаць бліжэй да свайго слухача. Я буду рады, калі яшчэ такія перформенсы спадар Вольскі будзе ладзіць.

Таксама наведвальнікі змаглі пачуць акустычнае выкананне некаторых песень з новага альбому Вольскага «Гравітацыя», які выйшаў увесну.

Источник charter97.org

Вверх ↑
Новости Беларуси
© 2009 - 2022 Мой BY — Информационный портал Беларуси
Новости и события в Беларуси и в мире.
Пресс-центр [email protected]