Новости БеларусиRSS-лента
Информационный портал Беларуси "МойBY" - только самые свежие и самые актуальные белорусские новости

Міхасю Лебедзю далі 12 сутак

09.02.2011 политика

Суд Маскоўскага раена Мінска прысудзіў Міхасю Лебедзю 12 сутак.

Яго абвінавацілі ва ўдзеде ў несанкцыянаваным пікеце, які праводзілі актывісты маладзежных арганізацый 20 снежна на плошчы Незалежнасці ў знак салідарнасці з затрыманымі удзельнікмі акцыі пратэста 19 снежня, паведамляе "Народная воля".

Міхась сцвярджаў на судзе, што супрацоунікі міліцыі сфальсіфікавалі пратакол, але ж на гэта ніхто не звярнуў увагі.

Суд, нагадаем, працягваўся ў некалькіт этапаў.

33-гадовага Міхася Лебедзя затрымалі 20 снежня па дарозе ў Чырвоны касцёл. Яго збілі з ног, нанеслі некалькі ўдараў дубінкай і нагамі і за ногі пацягнулі ў аўтазак.

— Я быў ужо ў некалькіх метрах ад выхаду з метро, як пачуў за спіной нейкі шум. Азірнуўся і пачуў: “Чаго глядзіш?!” Гэта быў спецназавец. Ён мяне адразу пасля гэтага ўдарыў і моцна штурхнуў. Я не ўтрымаўся на нагах. Да яго падбеглі іншыя і пачалі мяне збіваць. Я страціў прытомнасць. Ужо потым у міліцыі Маскоўскага раёна, куды мяне прывезлі, я даведаўся, што ў той дзень на плошчы Незалежнасці была нейкая акцыя і яе разагналі, — распавёў “Народнай Волі” Міхась Лебедзь. — Я сказаў міліцыянерам, што кепска сябе адчуваю, а яны мяне адсылалі адзін да аднаго і “хуткую” не выклікалі. Яны мяне фатаграфавалі і ў іх на здымках застаўся мой акрываўлены твар. Апроч таго, яны пацягнулі мяне здымаць адбіткі пальцаў. Толькі ў 12 ночы мяне разам з затрыманымі маладымі людзьмі павезлі на Акрэсціна. Там супрацоўнікі спецпрыёмніка, паглядзеўшы на мяне, выклікалі “хуткую”.

Мяне адвезлі ў 10 клінічны шпіталь. Напісалі, што атрымаў ўшыбы, траўму правага бядра. А ле мне нанеслі ўдары і па пазваночніку, і вось сёння я мусіў рабіць тамаграму, бо цяпер з-за траўмы пачаліся праблемы. Але прыйшоў на суд. Мяне маглі і раней судзіць, але міліцыянеры пераблыталі ў позве суды”.

Міхась Лебедзь не быў на акцыі 19 снежня. Ён не ведаў пра акцыю, якую спрабавалі правесці актывісты дэмакратычнага руху 20 снежня. Нягледзячы на гэта, яго брутальна затрымалі падчас зачысткі і на збітага чалавека, які час ад часу страчваў прытомнасць, склалі пратакол за ўдзел у несанкцыянаванай акцыі. Пры гэтым яго трымалі ў міліцыі амаль 6 гадзін, фатаграфавалі, бралі адбіткі пальцаў і так і не выклікалі яму “хуткую”.

Справу Міхася Лебедзя разглядаў суддзя Маскоўскага суда Яўген Хаткевіч.

Источник charter97.org



Вверх ↑
Новости Беларуси
© 2009 - 2021 Мой BY — Информационный портал Беларуси
Новости и события в Беларуси и в мире.
Пресс-центр [email protected]