Блогер Алесь Круткін: Выйдзем а шостай вечару, каб аб'яднацца душамі

Відэаблогер з Полацку запрасіў на Сустрэчу свабодных людзей.

На Сустрэчу свабодных людзей запрасілі ўжо многія блогеры. Сярод іх — і відэаблогер з Полацку Алесь Круткін, які напісаў адмысловы верш:

Вольных людзей сустрэча,
Крочым да новай эпохі.
Тым хто краіну знявечыў
Скажам: сыходзь з дарогі!

Скажам: звалі з нашай хаты,
Прэч прыгнятальнік, бяжы!
Рабочы, жаўнер, і араты
Гоняць цябе да мяжы.

Выйдзем а шостай вечару,
Плошча краіны ўзрушанай.
Вольных людзей сустрэча,
Каб аб'яднацца душамі.

Сустрэча свабодных людзей адбудзецца сёння, 15 лістапада, а 18-й на Кастрычніцкай плошчы Менска.