Новости БеларусиRSS-лента
Информационный портал Беларуси "МойBY" - только самые свежие и самые актуальные белорусские новости

Памёр Андрэй Скуратовіч, які вяртаў да жыцьця забытыя беларускія фільмы

02.04.2020 культура
Памёр Андрэй Скуратовіч, які вяртаў да жыцьця забытыя беларускія фільмы

Андрэй Скуратовіч памёр на 50-м годзе жыцьця.

2 красавіка на 50-м годзе жыцьця памёр энтузіяст і каардынатар у справе вяртаньня старых беларускіх фільмаў з Расеі Андрэй Скуратовіч, паведамляе «Радыё Свабода».

Пра Андрэя Скуратовіча ўспамінае ягоны сябра Мікола Раманоўскі:

«Андрэй Скуратовіч быў чалавек незвычайнай сілы духу і шырыні сэрца.

Пасьля аварыі ён шмат гадоў правёў амаль у поўнай нерухомасьці. Але зрабіў за гэты час для культуры і гісторыі Беларусі столькі, колькі ня кожны здаровы.

Гадоў дзесяць ці больш таму ён пачаў шукаць і выкупляць з Расеі, зь фільмасховішча ў Белых Стаўбах, беларускія фільмы, якіх у Беларусі не засталося.

Лежачы ў сябе ў кватэры, ён арганізаваў і стварэньне лічбавых копій, і іх рэстаўрацыю. Сярод іншага, яму ўдалося знайсьці не адзін фільм, зьняты па сцэнарах Уладзімера Караткевіча.

Грошы на гэта зьбіраў спачатку па сябрах і знаёмых, потым публічна, праз інтэрнэт. Ён адшукаў, залічбаваў і выклаў у сеціва мноства ўнікальных аматарскіх кіна-, фота-, аўдыёматэрыялаў. Сёе-тое знаходзіў нават за акіянам.

Гэта быў асяродак і матор нябачнай грамады, раскіданай па цэлым сьвеце».

Источник charter97.org



Вверх ↑
Новости Беларуси
© 2009 - 2021 Мой BY — Информационный портал Беларуси
Новости и события в Беларуси и в мире.
Пресс-центр [email protected]