Новости БеларусиRSS-лента
Информационный портал Беларуси "МойBY" - только самые свежие и самые актуальные белорусские новости

Біскуп Аляксандр Кашкевіч: Замест цемры апошняга часу да нас ідзе радасная вестка

03.04.2021 общество
Біскуп Аляксандр Кашкевіч: Замест цемры апошняга часу да нас ідзе радасная вестка

Ардынары гарадзенскай дыяцэзіі павіншаваў беларусаў са святам Уваскрасення Хрыстовага.

Са святам Уваскрасення Хрыстовага віншуе ардынары гарадзенскай дыяцэзіі, біскуп Аляксандр Кашкевіч, перадае «Радыё Рацыя».

У сваім слове ён умацоўвае вернікаў, падтрымлівае іх у перажываннях, якія шле ў іх жыццё смутак і страх.

«Хрыстос пасярод Вас, – кажа каталіцкі ўладыка. – Нягледзячы на тое, што мы перажываем радасць, ці смутак, Ён заўсёды побач, таму няхай замест непакою і страху, замест цемры і няўпэўненасці, якія ў апошні час агарнулі наша жыццё, прыйдзе сёння радасная вестка: Пан уваскрэс, Ён з намі».

Ужо праз некалькі дзён гарадзенская дыяцэзія будзе адзначаць трыццацігоддзе ад моманту свайго стварэння. Вялікая справа за гэты час праведзена ў аднаўленні структураў Каталіцкай Царквы, што цешыць, ардынарыя, які ўвесь гэты час апякуецца дыяцэзіяй.

– За гэты час адбылося вельмі шмат. З’явіліся новыя парафіі, было адноўлена шмат святыняў, а наш мясцовы касцёл атрымаў маладых святароў. Новыя малітоўныя групы і душпастарствы вядуць актыўную дзейнасць. Усё гэта здзейснілася, дзякуючы вялікаму ўнёску свецкіх і духоўных асобаў, за што я сёння ім вельмі ўдзячны.

Гэтыя падзеі і свята Вялікадня, дае нагоду ўсім вернікам Каталіцкай Царквы адчуць сябе супольнасцю, больш з’яднанай і моцнай.

Источник charter97.org



Вверх ↑
Новости Беларуси
© 2009 - 2021 Мой BY — Информационный портал Беларуси
Новости и события в Беларуси и в мире.
Пресс-центр [email protected]