Информационный портал Беларуси "МойBY" - только самые свежие и самые актуальные белорусские новости

Польшча падтрымае беларусаў і беларускія медыі

14.08.2020 политика
Польшча падтрымае беларусаў і беларускія медыі

У Сойме прэм’ер-міністр Польшчы ўзгадаў «Белсат», «Хартыю-97» i «Радыё Рацыя».

„Будучыню Беларусі маюць права вырашаць толькі самі беларусы. Сёння мы заклікаем беларускія ўлады правесці паўторныя свабодныя выбары. Гэтыя выбары павінны быць сумленныя і дэмакратычныя. Найлепш з удзелам міжнародных назіральнікаў”.

Пра гэта заявіў у Сойме прэм’ер-міністр Польшчы Матэвуш Маравецкі, паведамляе „Радыё Рацыя”.

– У сітуацыі, калі стаўкай з’яўляецца жыццё, здароўе, бяспека нельга марнаваць час. Прапануем пакет, які прадугледжвае звальненне з аплатаў, а ў надзвычайных выпадках звальненне ад неабходнасці наяўнасці дакументаў і спрашчэнне ў доступе да рынку працы.

Кіраўнік польскага ўраду адзначыў, што важным у цяперашняй сітуацыі ёсць падтрымка незалежных СМІ:

– Дапамога незалежным медыям, сярод іншага „Белсат”, „Хартыя-97”, „Радыё Рацыя” і падтрымка для незалежных медыяў і выдаўцоў у Беларусі. У час калі ў Беларусі з гадзіны на гадзіну можа быць адключаны інтэрнэт, важна, каб каналаў, праз якія беларусы кантактуюць з вольным светам, было як найбольш. У гэтыя цяжкія дні беларускія журналісты здалі экзамен. Беларусь не можа пераўтварыцца ў прастору фальшу і маніпуляцыі, патрабуе медыйнага плюралізму.

Сёння таксама польскі Сойм прыняў рэзалюцыю, у якой рашуча асуджае пазбаўленне грамадзян Беларусі магчымасці ўдзелу ў свабодных, дэмакратычных выбарах і свабоднага выказвання сваіх поглядаў.

Источник charter97.org

Вверх ↑
Новости Беларуси
© 2020 Мой BY — Информационный портал Беларуси
Новости и события в Беларуси и в мире.
Пресс-центр [email protected]