Сацыяльная абарона

Апазіцыйны Народны сход шматтысячнага мітынгу не сабраў. Не былі шматлікія і лакальныя восеньскія пратэсты працоўных. Але страйкавалі рабочыя і ў Барысаве, і ў Віцебску, і ў Салігорску. І вось заробкі павышаюць -- не толькі лакальна, але ўсім бюджэтнікам. ТАЦЦЯНА ВАДАЛАЖСКАЯ, САЦЫЁЛАГ: "Безумоўна, гэта крок дзеля зняцця сацыяльнай напружанасці. Гэта, відавочна, крок у галіне сацыяльнай палітыцы -- і ніяк не ў эканоміцы". Праграма сацыяльнай абароны, над якою цяпер працуе ўрад, прадугледжвае павышэнне тарыфнай стаўкі першага разраду і мінімальнага заробку, а таксама вяртанне рэгулявання коштаў. Пра гэта заявіў віцэ-прэм'ер ураду. АНАТОЛЬ КАЛІНІН, ВІЦЭ-ПРЭМ'ЕР БЕЛАРУСІ: "Цяпер свабодныя кошты, але мы бачым, што адбываецца: у вытворцаў тавар за адзін кошт, а ў гандлі -- удвая даражэйшы. Дык хто ж мусіць зарабляць: вытворца ці пасярэднікі?" Але пасярэднікі -- натуральнае звяно ў гандлёвым ланцугу, таму незалежныя эканамісты ўпэўненыя: умяшанне гэтае будзе мець хутчэй адваротны эфект. ЛЕАНІД ЗЛОТНІКАЎ, ЭКАНАМІСТ: "У Беларусі ёсць усе ўмовы для таго, каб рынак і канкурэнцыя зрабілі ўсе гэтыя надбаўкі ды гандлёвыя нацэнкі нізкімі, як ва ўсіх цывілізаваных краінах. А калі ў гэта пачынаюць умешвацца чыноўнікі, я нічога добрага не чакаю, бо яны знішчаюць рынкавы механізм". У тое ж, што павышэнне заробкаў стане ратавальным колам, апытаныя намі беларусы не надта вераць. УДЗЕЛЬНІКІ АПЫТАННЯ: "Калі абяцаюць зрабіць -- зробяць, але сэнс які будзе? Аніякага". "Каб нас зраўнаць з тым, што <b>...</b>