Новости БеларусиRSS-лента
Информационный портал Беларуси "МойBY" - только самые свежие и самые актуальные белорусские новости

Вызначаны ўдзельнікі паўфіналаў конкурса «Мова. Музыка. Футбол»

07.04.2017 культура
Вызначаны ўдзельнікі паўфіналаў конкурса «Мова. Музыка. Футбол»

Конукрс прысвечаны песням пра футбол, якія стварылі беларускія музыкі за 26 гадоў незалежнасці Беларусі.

Па завяршэнні галасавання заўзятараў і апытання журы сталі вядомыя ўсе ўдзельнікі паўфінала конкурса «Мова. Музыка. Футбол», паведамляе nn.by.

У першым туры адбывалася інтэрнэт-галасаванне футбольных заўзятараў, а таксама галасаванне прафесійнага журы, у склад якога ўвайшлі: паўабаронца мінскага «Дынама» Арцём Быкаў, тэлекаментатар і намеснік дырэктара дэпартамента маркетынгу і камунікацый АБФФ Дзмітрый Герчыкаў, рэдактар sport.tut.by Кірыл Клімянкоў, Арцём Лук’яненка з гурту Naviband і Алесь-Францішак Мышкевіч з гурту «The Superbullz».

Выніковая табліца конкурса выглядае так:

Сталiца Марса — 22.

Laurynienka — 20.

Міп-бэнд — 17.

Mashin’ Gun — 14.

Антон Шахорскі — 14.

Кацярына Блоцкая — 10.

Ferris Wheel — 9.

Ліс і Лес — 7.

Адась Грыневіч-Матафонаў — 7.

Сразу Май — 7.

Хведар Грувіч — 6.

13 КРАСАВІКА АДБУДЗЕЦЦА ПЕРШЫ ПАЎФІНАЛ

У ім возьмуць удзел Кацярына Блоцкая, Laurynienka i «Міп-бэнд». У якасці запрошанага госця на сцэну выйдзе гурт «The Superbullz». Нагадаем, што лідар гурту — Алесь-Францішак Мышкевіч з’яўляецца адным з сябраў журы конкурсу.

Імпрэза пройдзе ў кавярні «Грай» (вул. Інтэрнацыянальная 33). Пачатак, а 19-й гадзіне.

Кошт квітка — 5 рублёў. Квіткі можна набыць на ўваходзе ў кавярню.

ДРУГІ ПАЎФІНАЛ ПРОЙДЗЕ 27 КРАСАВІКА

У ім возьмуць удзел «Сталіца Марса», Антон Шахорскі i «Mashin’ Gun». Па выніках канцэртных выступаў напрыканцы кожнага з двух мерапрыемстваў журы разам з гледачамі вызначаць фіналістаў. Два фіналісты і пазмагаюцца за галоўныя прызы.

Пераможцу вызначыць пашыраны склад журы з футбалістаў, музыкаў, музычных крытыкаў, вядомых людзей Беларусі, якія на камеру будуць агучваць свой выбар. Відэа з вызначэннем пераможцы ўсе ўбачаць на святочным канцэрце.

Пераможцы, прызёры і ўладальнікі спецыяльных прызоў будуць абвешчаны на вялікім фінальным канцэрце, які пройдзе напрыканцы траўня. Акрамя выступлення пераможцаў і запрошаных зорак, на мерапрыемстве адбудзецца прэм’ера кліпа для лепшай песні і прэзентацыя музычнай складанкі «Мова — Музыка — Футбол» з песнямі па-беларуску прысвечанымі футболу, якія стварылі беларускія музыкі за 26 гадоў незалежнасці Беларусі.

Источник charter97.org



Вверх ↑
Новости Беларуси
© 2009 - 2022 Мой BY — Информационный портал Беларуси
Новости и события в Беларуси и в мире.
Пресс-центр [email protected]