Информационный портал Беларуси "МойBY" - только самые свежие и самые актуальные белорусские новости

Першыя подпісы (Фота)

30.09.2010 политика
Першыя подпісы (Фота)

30 верасня пачаўся этап збору подпісаў у падтрымку вылучэння кандыдатаў у прэзідэнты Беларусі. Сабраць неабходную колькасць плануюць 17 кандыдатаў.

Зрэшты, ужо зараз відавочна, што далёка не ўсе справяцца з гэтай нялёгкай справай.

На бліжэйшы месяц пікеты ў горадзе, а таксама абыход актывістамі кампаній кватэраў стане звыклай з’явай. Ужо ў першы дзень частка кандыдатаў актыўна ўзялася за працу.

Блізу рынку Камароўка было заўважана тры пікеты па зборы подпісаў. Ля «Імпульсу», нягледзячы на дождж, размясцілася каманда Андрэя Саннікава.

Сам каардынатар «Еўрапейскай Беларусі» таксама знаходзіўся тут. Маладыя людзі заклікалі мінакоў паставіць свой аўтограф за кандыдата і вялікая колькасць з радасцю гэта рабіла.

Пашпартныя звесткі перапісвалі тры дзяўчыны, але і гэтага часам было мала. Нават чэргі невялікія выстройваліся.

Звярнула ўвагу на тое, што абсалютна не хацелі падпісвацца маладыя дзяўчаты, а вось людзі старэйшага пакалення падыходзіць да зборшчыкаў смялей.

У некаторых не было з сабой пашпартоў, абяцалі прыйсці заўтра.

Удавалася ўгаворваць нават тых людзей, што спачатку адмаўляліся падпісвацца. Прастаяўшы так больш за гадзіну, хуценька сабраліся і з’ехалі ў іншае месца. Сёння плануюць збіраць таксама на Акадэміі навук і станцыі метро «Пушкінскай».

Здаецца, што каманда Саннікава абрала для збору вельмі зручнае месца. А вось групы Кастусёва і Раманчука сталі ў падземным пераходзе, побач з цёткамі, што прадаюць вязаныя шкарпэткі.

У пікеце за Кастусёва ўдзельнічалі два чалавекі. Адзін з якіх — вядомы юрыст Юры Чавусаў.

Людзі хоць і падыходзілі да стэнду, але не распісваліся. Адны казалі, што гатовыя аддаць свой голас толькі Лукашэнку, іншыя — Пазняку. Шмат з кім былі гарачыя дыскусіі на мяжы сваркі.

Побач размясціўся і Яраслаў Раманчук. Яго група была больш шматлікая за бээнэфаўскую. Кожны меў на сабе жоўтую цішотку з афіцыйнай эмблемай кандыдата.

Галоўнай прэтэнзіяй да Раманчука сталася тое, што ён… «такі худзенькі». Толькі пры мне двое патэнцыйных выбарцаў выказалі такія меркаванні. Подпіс праз гэта не паставілі.

Зміцер Панкавец, «Наша Ніва»

Іншыя кандыдаты, пэўна, абралі сабе другія месцы. Гэта толькі першы дзень зацяжнога марафону па зборы 100 тысяч подпісаў.

Источник charter97.org

Вверх ↑
Новости Беларуси
© 2009 - 2020 Мой BY — Информационный портал Беларуси
Новости и события в Беларуси и в мире.
Пресс-центр [email protected]