Информационный портал Беларуси "МойBY" - только самые свежие и самые актуальные белорусские новости

У Воршы адбыўся першы фэст Караткевіча

01.12.2019 культура
У Воршы адбыўся першы фэст Караткевіча

У 2020 годзе будзе адзначацца 90-годдзе з Дня нараджэння знакамітага пісьменніка.

Фэст распачаўся ў Смалянах за некалькі кіламетраў ад Воршы, передает «Радыё Рацыя».

Краязнаўца Віктар Мяжэвіч правёў для гасцей і ўдзельнікаў фэсту экскурсію мястэчкам, у якім неаднаразова бываў Уладзімір Сямёнавіч Караткевіч. Наведалі ўдзельнікі і магілу Тамаша Зана.

Доктар філасофіі Ірына Дубянецкая знайшла супольнае ў Зана з Караткевічам:

– Караткевічавая сувязь. Караткевіч не ўтвараў ніякіх арганізацыяў, а вакол яго таксама віравала жыццё. Караткевіч таксама быў гэтым пунктам атракцыі, ён таксама выпраменьваў, выпраменьваў настолькі моцна, што, сапраўды, ён узяў краіну адну, а пакінуў другую – іншую зусім. Вось дзесьці падобнае, што Зан.

Затым была аршанская частка фестывалю з наведваннем музея Уладзіміра Караткевіча, дома пісьменніка на цяперашняй вуліцы яго імя, помніка і літаратурнымі чытаннямі ў кавярні «Замкавая».

У 2020 годзе будзе адзначацца 90-годдзе з Дня нараджэння пісьменніка. Арганізатары сёлетняга фэсту, сярод якіх Беларускі ПЭН-цэнтр, Таварыства беларускай мовы, Саюз беларускіх пісьменнікаў, вандроўная кнігарня і рэгіянальны партал orsha.eu, плануюць правесці на юбілей больш маштабны фестываль.

Фотa: Радыё Рацыя
Фотa: Радыё Рацыя
Фотa: Радыё Рацыя
Фотa: Радыё Рацыя

Источник charter97.org

Вверх ↑
Новости Беларуси
© 2019 Мой BY — Информационный портал Беларуси
Новости и события в Беларуси и в мире.
Пресс-центр [email protected]