Информационный портал Беларуси "МойBY" - только самые свежие и самые актуальные белорусские новости

Міхалевіч: Фільм КДБ змантаваны з розных сустрэч

04.04.2011 политика

Алесь Міхалевіч паглядзеў фільм са сва іх допытаў і здзівіўся. Такога кандыдат у прэзідэнты не чакаў.

4 красавіка Генпракуратура паказала відэастужку з допытаў Алеся Міхалевіча ў СІЗА КДБ. Праваахоўнікі адзначылі, што палітык не скардзіўся на катаванні, паводзіўся вельмі спакойна і сам прапаноўваў супрацу.

Міхалевіч: "Мяне здзівіла, што яны паказалі змантаваны фільм з розных кавалкаў тых сустрэч, якія адбываліся ў аператыўных супрацоўнікаў са мной пасля таго, як мяне змусілі сустракацца з аператыўнымі супрацоўнікамі Камітэта дзяржаўнай бяспекі".

Міхалевіч кажа, што допыты яго ладзіліся па класічнай схеме "добры следчы — злы следчы". Кадры, апублікаваныя 4 красавіка, рабіліся акурат з "добрым следчым", адзначае палітык.

Што ж да катаванняў, то Міхалевіч адзначае, што не было прамога збіцця падследных. Па яго словах, следчыя стараюцца пазбегнуць цялесных пашкоджанняў, якія можна зняць і зафіксаваць.

Еўрарадыё пацікавілася, чаму палітык кажа кадэбістам, што можа быць патрэбным для спецслужбаў.

Міхалевіч: "Я пачаў гульню з КДБ па іх правілах. Пры гэтым абсалютна бачна, што я адмаўляюся ад падпісвання дакументаў, падпісвання супрацоўніцта. Мяне вымусілі падпісаць паперу пра супрацоўніцтва, як патэнцыйную магчымасць выйсці на свабоду. Гэта такая гульня з КДБ, дзе па выніках я спадзяваўся выйсці на свабоду і распавесці пра ўсё, што там творыцца".

Магчыма, самы дзіўны момант у відэастужцы — той, дзе Міхалевіч застаецца адзін і пачынае напяваць песню. Сам палітык дае такое тлумачэнне:

Міхалевіч: "Гэта момант, калі супрацоўнік заставаўся ў кабінеце. Перад гэтым мы размаўлялі пра тое, што на прагулках ставяць шансон, жахлівыя песні пра зону, Магадан. І тады я напяваю гэтую песню "Владимирский централ" і смяюся, што нават у Камітэце слухаюць такую музыку".

Міхалевіч адзначае, што відэанарэзка з яго допытаў моцна змантаваная. Як доказ гэтага ён звяртае ўвагу на колер свайго швэдра, які вельмі часта змяняецца.

Источник charter97.org

Вверх ↑
Новости Беларуси
© 2020 Мой BY — Информационный портал Беларуси
Новости и события в Беларуси и в мире.
Пресс-центр [email protected]