Новости БеларусиRSS-лента
Информационный портал Беларуси "МойBY" - только самые свежие и самые актуальные белорусские новости

Віталь Рымашэўскі: Нічога такога, што магло б пашкодзіць іншым, я не пісаў

04.01.2011 политика
Віталь Рымашэўскі: Нічога такога, што магло б пашкодзіць іншым, я не пісаў

Віталь Рымашэўскі, які быў вызвалены пад падпіску ад нявыездзе, пад ціскам КДБ быў вымушаны адмяніць сваю сённяшнюю прэс-канферэнцыю.

Прэс-службе БХД удалося пагутарыць з экс-кандыдатам у прэзідэнты.

- Па-першае, віншую вас з вызваленнем. Што вы можаце паведаміць пра абставіны вашага вызвалення, дакладней, змены меры стрымання?

Дзякуй за віншаванне!

Па-першае, сёння, 4 студзеня ў 11 гадзін павінна была адбыцца мая прэс-канферэнцыя на гэты конт. Але ўчора, пасля таго, як я даў некалькі каментароў для “Нашай Нівы”, мяне выклікалі ў КДБ і паведамілі, што мая прэс-канферэнцыя будзе разглядацца як парушэнне падпіскі аб неразгалошванні тайны следства. І што ў любым выпадку правесці яе мне не дадуць, а мая мера стрымання ў любы момант можа быць зноў заменена на знаходжанне пад вартай.

Па-другое, я не лічу сябе на свабодзе, пакуль у зняволенні знаходзяцца мае сябры і паплечнікі, іншыя кандыдаты. І я, як магу, буду спрыяць іх вызваленню.

Я дзякую ўсім, хто праявіў сваю салідарнасць з намі, хто выказаў сваю падтрымку Я быў здзіўлены, колькі людзей перажывала за мяне, малілася, выказвала словы падтрымкі маёй сям’і. Гэта быў для мяне прыемны сюрпрыз.

- А што вы можаце сказаць пра змест запіскі на імя кіраўніка дзяржавы?

Я сапраўды пісаў такую запіску, але, на жаль, пра яе змест паведаміць не магу, паколькі я даў падпіску аб неразгалошванні тайны следства. Магу толькі запэўніць, што нічога такога, што магло б пашкодзіць іншым, я ў ёй не пісаў.

- Якія вашы далейшыя планы?

Цяжка казаць пра нейкія планы ў маім становішчы. Я буду рабіць усё, каб дабівацца вызвалення іншых затрыманых па гэтай справе. Сваё вызваленне я расцэньваю, як маленькі шанец, як першы крок уладаў.

- А што вы можаце патлумачыць тым, хто ў сваіх каментарах называе вас здраднікам?

Мая пазіцыя, нягледзячы ні на што, застаецца нязменнай. Хай перачытаюць тое, што я казаў да 19 снежня.

Усім сваім зламыснікам я кажу – не радуйцеся, а паплечнікам – не турбуйцеся, мая пазіцыя засталася нязменнай, яна такая, якая была да 19 снежня, 19 снежня і пасля 19 снежня. Такая яна застаецца і зараз, і ніякія тлумачальныя лісты яе не зменяць. Я зараз не магу агучваць шмат якія рэчы, тым не менш яшчэ раз падкрэсліваю, што мая пазіцыя застаецца ранейшай, такой, што была агучаная падчас выбарчай кампаніі.

Источник charter97.org



Вверх ↑
Новости Беларуси
© 2009 - 2021 Мой BY — Информационный портал Беларуси
Новости и события в Беларуси и в мире.
Пресс-центр [email protected]